سياسة الخصوصية
آخر تحديث: 2026-11-03
البيانات اللي بنجمعها
- بيانات الحساب: الاسم، الإيميل، رقم الموبايل.
- بيانات تسجيل الدومين: العنوان والمدينة والدولة، لأن المسجلين بيطلبوها.
- بيانات الفواتير والمدفوعات (المبلغ، الوسيلة، رقم العملية). بيانات الكروت نفسها بتدخلها على صفحة بوابة الدفع، وإحنا ما بنستقبلهاش ولا بنخزنها.
- بيانات تقنية بسيطة لتشغيل الموقع، زي ملفات تعريف الجلسة (Cookies) اللازمة لتسجيل الدخول.
بنستخدمها في إيه
- تقديم الخدمات اللي طلبتها وتجهيزها وتجديدها.
- التواصل معاك بخصوص الفواتير والخدمات والدعم.
- الالتزام بالقانون وحماية الخدمات من الاستخدام المخالف.
بنشاركها مع مين
بنشارك أقل قدر ضروري من البيانات مع: مسجلي الدومينات (لتسجيل الدومين باسمك)، ومزودي السيرفرات ولوحات الاستضافة (لتجهيز خدمتك)، وبوابات الدفع (لإتمام الدفع)، والجهات الرسمية لو القانون طلب كده. ما بنبيعش بياناتك لأي حد.
الحفظ والأمان
البيانات الحساسة زي مفاتيح الربط وبيانات الدخول بتتخزن متشفرة. بنحتفظ ببياناتك طول ما حسابك موجود، وبعد إغلاقه بنحتفظ بالفواتير للمدة اللي يطلبها القانون.
حقوقك
تقدر تطلب نسخة من بياناتك أو تعديلها أو حذف حسابك على info@blast-media.net.